Moldovada hakimiyyətin avropapərəst siyasətinə qarşı yürüş keçirildi

Müxalif “Pobeda” blokunun nümayəndələri Kişinyovda Moldova prezidenti Maya Sandunun Avropa İttifaqı (Aİ) ilə inteqrasiya kursuna qarşı yürüş keçirib.

TodayPress xəbər verir ki, bu barədə “TASS” məlumat yayıb.

“Biz aksiyamızla hər kəsə nümayiş etdirmək istəyirik ki, Moldova gəncləri prezident Maya Sandu və onun hakim “Fəaliyyət və Həmrəylik” Partiyasının diktatura rejimi tərəfindən həyata keçirilən Avropaya inteqrasiya kursunun əleyhinədir” deyə nümayişçilər bildirib.

Jurnalistlərin məlumatına görə, yürüşdə minə yaxın insan iştirak edib. Qeyd edilib ki, nümayişçilərin qarşısı Moldova polisi tərəfindən alınıb və etirazçıların prezident sarayına daxil olmasına imkan verilməyib.

Töhfə Səməd