“Meta” Donald Trampın sosial media hesablarına tətbiq edilən məhdudiyyətləri aradan qaldırdı

“Facebook” və “Instagram”ın sahibi olan “Meta” şirkətinin verdiyi açıqlamada ABŞ-nin keçmiş prezidenti Donald Trampın sosial media hesablarına tətbiq edilən bəzi məhdudiyyətlərin aradan qaldırıldığı açıqlanıb.

TodayPress xəbər verir ki,”Meta”, 2021-ci ildə ABŞ-nin əvvəlki prezident seçkilərindən əvvəl ABŞ Kapitoluna basqın edən tərəfdarları dəstəklədiyi üçün Trampın hesablarını qeyri-müəyyən müddətə dayandırmışdı. Şirkət daha sonra keçən ilin əvvəlində Trampın hesablarını yenidən aktivləşdirdi. Bununla belə, Trampın hesablarının izləniləcəyi və qaydaları pozan paylaşımlar edəcəyi təqdirdə hesablarının bir aydan iki ilədək müddətə yenidən dayandırıla biləcəyi bildirilirdi.

“Meta”, ABŞ prezidenti Co Baydenə qarşı mübarizə aparan Trampın hesablarının artıq əlavə izləmə məhdudiyyətlərinə məruz qalmayacağını açıqlayıb.

“Siyasi ifadə azadlığını təmin etmək məsuliyyətimizi nəzərə alaraq, Amerika xalqının eyni əsaslarla prezidentliyə namizədləri dinləyə bilməsinin lazımi olduğunu düşünürük” deyə bəyanatda bildirilir.

Nəzrin Cavadzadə