Mask “İlin adamı” statusundan imtina etdi

İlon Mask “Time” jurnalının onu “İlin adamı” elan etməsini istəmədiyini deyib.

TodayPress xəbər verir ki, bu barədə o, “X” hesabında paylaşım edib. 

Jurnal 1927-ci ildən bəri hər il ilin adamını seçir. “Tesla” və “SpaceX”, “X” və “Neuralink” şirkətlərinin rəhbəri milyarder İlon Mask artıq 2021-ci ildə “İlin adamı” olub. 

2024-cü ildə Maskdan başqa doqquz nəfər də bu titula namizəddir. Onlar arasında ABŞ-nin yeni seçilmiş prezidenti Donald Tramp, vitse-prezident Kamala Harris, İsrailin baş naziri Benyamin Netanyahu, Britaniya şahzadəsi Uilyamın həyat yoldaşı Keyt Middlton, Meksika prezidenti Klaudiya Şeymbaum, “Meta”nın rəhbəri Mark Zukerberq və digərləri var. 

Töhfə Səməd