Malidə silahlı hücumda 40 nəfər öldürüldü

Naməlum silahlı şəxslər Malinin mərkəzində kəndə hücum edərək təxminən 40 nəfəri öldürüb.

TodayPress xəbər verir ki, hücum ölkədə on ildən artıqdır ki, Əl-Qaidə və İŞİD ilə əlaqəli qrupların fəaliyyət göstərdiyi bölgələrdən olan Moptidəki Ciquibombo kəndində baş verib.

Bankass şəhərinin meri Mulay Qindo “Reuters” xəbər agentliyinə bildirib ki, silahlı şəxslər kəndi mühasirəyə alaraq insanlara atəş açıblar.

O, ölənlərin sayını açıqlamasa da, adının açıqlanmasını istəməyən iki yerli məmur 40-a yaxın insanın öldüyünü deyib.

Nəzrin Cavadzadə