Macarıstan ABŞ-nin addımlarını qəbuledilməz adlandırdı

"Macarıstan qonşu ölkələrlə birlikdə ABŞ-nin “Qazprombank”a qarşı sanksiyaları kontekstində Rusiya qazının tədarükünün ödənilməsi məsələsinə qərar verib, lakin Amerika hakimiyyətinin addımları müttəfiqlər üçün qəbuledilməzdir”. 

TodayPress xəbər verir ki, bunu Macarıstanın xarici işlər naziri Peter Siyarto deyib.

Siyasətçi vəzifədən gedən Bayden administrasiyasının yanacaq ödənişləri üçün vacib olan "Qazprombank"a qarşı sanksiyalar tətbiq etmək qərarını tənqid edib. Bundan əvvəl o, Macarıstan və Bolqarıstanın vəziyyətdən çıxış yolunu tapdığını bildirib. Eyni zamanda, o, ölkənin yeni şəraitdə enerji təchizatının təhlükəsizliyinə zəmanət verməyə davam edəcək hüquqi həll yolu tapmaq üçün Rusiya, Bolqarıstan, Serbiya, Slovakiya və Türkiyə ilə məsləhətləşmələr apardığını açıqlayıb. 

Töhfə Səməd