Livanın baş naziri: "İsrail atəşkəsi gündə bir neçə dəfə pozur"

İsrail Livanla bağladığı 60 günlük atəşkəs razılaşması çərçivəsində üzərinə götürdüyü öhdəliklərə əməl etmir və onu hər gün pozur.

TodayPress xəbər verir ki, bunu Livanın baş naziri Nəcib Mikati Türkiyə prezidenti Rəcəb Tayyib Ərdoğanla keçirdiyi birgə mətbuat konfransında bildirib.

“Atəşkəs razılaşmasının noyabrın 27-də qüvvəyə minməsindən üç həftə keçdi, lakin biz hələ də İsrailin onu pozduğunu görürük. Bu, gündə bir neçə dəfə  baş verir ki, bu, narahatedicidir. İsrail qoşunlarını çıxarmaq üzrə öhdəliklərini yerinə yetirmir" Livanın baş naziri əlavə edib.

Aynur TAC