Livanda ölən və yaralananların sayı açıqlandı

İsrailin son 24 saat ərzində Livan ərazisinə endirdiyi hava zərbələri nəticəsində ümumilikdə 78 nəfər ölüb, 122 nəfər isə yaralanıb.

TodayPress xəbər verir ki, bu barədə Livan Səhiyyə Nazirliyinin Fövqəladə Əməliyyatlar Mərkəzi öz “X” səhifəsində paylaşıb.

Bildirilib ki, ölənlərin  və yaralananların çoxu cənubundakı Səidə və Tir bölgələrində qeydə alınıb.

Məlumata görə, Livan dağında 24 nəfər ölüb, 17 nəfər yaralanıb. Nəbatiyyədə 13 nəfər ölüb, 25 nəfər yaralanıb.

Livanın şimal-şərqindəki Baalbek-Hermel əyaləti iki nəfərin öldüyünü və 11 nəfərin yaralandığını bildirib.

2023-cü ilin oktyabrında hərbi eskalasiya başlayandan bəri ümumilikdə 3365 nəfər həlak olub, 14344 nəfər yaralanıb.

Aynur TAC