Livan BMT TŞ-yə şikayət ünvanladı

Livanın Nyu-Yorkdakı Daimi Nümayəndəliyi iyulun 30-da İsrailin Beyrutun cənub ətrafına endirdiyi zərbələrlə bağlı BMT Təhlükəsizlik Şurasına (TŞ) və təşkilatın baş katibi Antonio Quterreşə şikayət ünvanlayıb.

TodayPress xəbər verir ki, bu barədə Livanın Xarici İşlər Nazirliyi məlumat yayıb.

“Livanın xarici işlər və miqrasiya naziri vəzifəsini icra edən Abdullah Bu Həbibin tapşırığı əsasında Livanın Nyu-Yorkdakı Daimi Nümayəndəliyi bu gün BMT Təhlükəsizlik Şurasına və baş katibinə İsrailin Beyrutun cənub ətrafına hücumuna görə şikayət ünvanlayıb” nazirliyin “X” sosial şəbəkəsindəki paylaşımında bildirilib.