Lavrov: Rusiya Suriyaya hərbi yardımı davam etdirir

Rusiya Suriyaya hərbi yardım göstərir.

TodayPress xəbər verir ki, bunu Rusiyanın xarici işlər naziri Sergey Lavrov Doha Forumunda bildirib.

“Rusiya Suriyaya Xmeymimdə yerləşən Aerokosmik Qüvvələrinin köməyi ilə hərbi yardım edir. Biz Suriya hərbçilərinə terror hücumlarına qarşı müqavimət göstərməkdə kömək edirik” Lavrov vurğulayıb.

Noyabrın 27-də “Cəbhət ən-Nusra” ekstremist qruplaşması Suriyanın şimalında böyük hücum həyata keçirib.

Dekabrın 5-də Suriya Silahlı Qüvvələrinin komandanlığı silahlıların Həmanın bir neçə məhəlləsinə soxulduğunu açıqlayıb. Komandanlığın verdiyi açıqlamaya görə, Həmanı müdafiə edən hökumət qüvvələri şəhərdən çıxarılıb.