Kurskda amansız döyüşlər: Ukrayna “HIMARS”ları, Rusiya “Su-34”ləri işə saldı

Kursk vilayətində Rılsk yaxınlığında rus hərbçilərinin koloniyası məhv edilib.

TodayPress xəbər verir ki, bu barədə Ukraynanın “Unian.net” xəbər saytı məlumat yayıb. 

Bildirilib ki, piyadaları daşıyan 10-dan çox hərbi yük maşını məhv edilib. Nəticədə 5 minə yaxın əsgər həlak olub. Bundan başqa, Rusiya ordusuna məxsus hərbi maşın karvanının atəşə tutulması nəticəsində 26 hərbi qulluqçu ölüb, 100-dən çoxu isə yaralanıb. Ukrayna bu zərbələri endirən zaman HIMARS raketlərindən istifadə edib. Nəticədə bir batalyon tamamilə sıradan çıxarılıb.

Rusiya tərəfinin yaydığı məlumatlara əsasən, “Su-34” ekipajı Kursk vilayətində Ukrayna Silahlı Qüvvələrinin şəxsi heyətinə və hərbi texnikasına aviabombalarla hücum edib. Bundan sonra hədəfin müvəffəqiyyətlə vurulduğu bildirilib. Hələ ki, ölən və yaralananlarla bağlı məlumat verilməyib. 

Töhfə Səməd