KTMT nümayəndəsi: “Ermənistanın bizə külli miqdarda borcu var”
Dünya
13.07.2024 10:30
“Ermənistan 2024-cü ildə KTMT-nin büdcəsinə vəsait köçürməyib, amma 2025-ci il üçün bu ölkənin ödəməli olacağı məbləğ hesablanaraq müvafiq sənədlər hökumətə göndəriləcək”.
TodayPress, “Novosti”yə istinadən xəbər verir ki, bu sözləri Rusiyanın KTMT-dəki daimi nümayəndəsi Viktor Vasilyev deyib.
Bildirilib ki, Ermənistanın bu il üçün quruma 53,22 milyon rubl (təqribən 1 milyon manatdan çox) borcu olduğu və vəsaitin ödənilməsinin vacibliyi vurğulanıb.
Xatırladaq ki, təşkilatın müvafiq nizamnaməsinə görə, illik büdcənin 50 faizini Rusiya tərəfi ödəyir, qalan hissəsi isə digər üzv ölkələrin köçürmələri əsasında tamamlanır.
Qeyd edək ki, bir qədər əvvəl Ermənistanın Xarici İşlər Nazirliyinin rəsmisi Ani Badalyan ölkəsinin 2024-cü il üçün KTMT-yə vəsait köçürməkdən imtina etdiyi barədə bəyanat verib.
Töhfə Səməd
tag: Ermənistan, Rusiya, Təşkilat, Üzv, KTMT, todaypress.az,