Konqoda meşələrin ən çətin görünən heyvanları kameraya çəkildi

Britaniyalı vəhşi təbiət fotoqrafı Uill Berrard-Lukas Konqo çayı hövzəsinin tropik meşələrinin dərinliklərində bir il ərzində uzaqdan idarə olunan kameralarla çalışaraq bu bölgənin ən çətin görüntülənən heyvanlarını lentə almağa nail olub. 

TodayPress xəbər verir ki, Berrard-Lukas Mərkəzi Afrikanın sıx cəngəlliklərində yerləşən Mbeli-Bay ərazisinə “Camtraptions” adlı fotopusqular gətirərək nəsli kəsilməkdə olan heyvanları yaxın məsafədən görüntüləməyi qarşısına məqsəd qoyub. 

Fotoqraf qara ayaqlı manqust, Peters dukeri, qulaq hissələri tüklü qaban (kistəqulaqlı donuz), su maralı, meşə fili, taraqlı kirpi, bəbir və sarıbellli duker kimi nadir heyvanların şəkillərini çəkib.