Konqo və Uqandanın hərbi qüvvələri onlarla yaraqlını məhv etdi

Konqo Demokratik Respublikası və Uqandanın hökumət bölmələri son yeddi gündə "Demokratik Qüvvələrin Alyansı" (DQA) ekstremist qruplaşmasının 20-dən çox döyüşçünü məhv edib.

TodayPress xarici KİV-ə istinadən xəbər verir ki, bu barədə Konqo ordusunun rəsmi nümayəndəsi, leytenant Jül Nqonqo bildirib.

"İturi əyalətinin Mambasa bölgəsindəki Lolva meşə massivində yaraqlılar məhv edilib. Konqo və Uqanda hökumət qüvvələrinin itkiləri beş ölü və iki yaralıdır" o deyib.

Konqo və Uqanda bölmələrinin DQA döyüşçülərinə qarşı birgə əməliyyatı iki həftə əvvəl başlayıb. Yaraqlılar nizamsız şəkildə Konqonun qərbinə geri çəkilir, yoldakı kəndləri qarət ediblər. Mambas bölgəsindən Qaçqınların köçü başlayıb.

Nqonqo hökumət qüvvələrinin ayrı-ayrı DQA qruplaşmalarının birləşməsinin qarşısını almaq üçün manevr etdiyini bildirdi. (report.az)