Kiyev atəşkəsə hazırlaşır?

“Ukrayna Qərbin təhlükəsizlik zəmanəti müqabilində hərbi əməliyyatları dayandırmağa hazır deyil”. 

TodayPress xəbər verir ki, bunu Ukrayna prezidentinin kommunikasiyalar üzrə müşaviri Dmitri Litvin Ukraynanın “24” kanalına açıqlamasında bildirib. 

“Bizim sülh düsturumuz var. O, Ukraynanın ədalətli dünyanı necə gördüyünü açıq şəkildə ifadə edir. Məhz bu əsasda tərəfdaşlarla Ukraynanın mövqelərinin möhkəmləndirilməsi ilə bağlı danışıqlar aparılır” deyə o vurğulayıb.

Qeyd edək ki, bundan əvvəl İtaliyanın “Corriere della Sera” qəzeti yazıb ki, Ukrayna lideri Volodimir Zelenski Ukraynanın ərazi itirmədən mövcud cəbhə xəttində atəşkəsə hazırdır, bunun müqabilində Kiyev Qərbdən təhlükəsizlik zəmanəti istəyir.     

Günəş Mərd