KİV: Tayvanın son hipersəs raketləri Pekin və Şanxayı vurmağa qadirdir

Tayvanın ən son model "Ching Tien" hipersəs raketləri Çinin paytaxtı Pekini və materik Çinin dərinliklərindəki digər strateji hədəfləri vurmağa qadirdir. 

TodayPress xəbər verir ki, bu barədə "Asia Times" (AT)  yazıb. 

Nəşr bildirir ki, bu inkişaf Tayvanla bağlı artan gərginlik fonunda adanın müdafiə sənayesi üçün əhəmiyyətli nailiyyət olub.

Materialda qeyd edilib ki, "Ching Tien" hipersəs raketi Pekini və digər hədəfləri vurmağa qadirdir və yeni mobil buraxılış platforması sağ qalma qabiliyyətini artırır.

“Tayvanın ən son hipersəs raketləri Çinin həyati vacib infrastrukturuna və hərbi qurğularına dəqiq, uzaqmənzilli zərbələr endirməyə imkan verir.  Bu, Pekinlə artan gərginlik fonunda özünü idarə edən adanın müdafiə strategiyasında əhəmiyyətli irəliləyişdir”.

Nəşr xatırladır ki, əvvəllər Tayvanın Çinin dərinliklərindəki hədəfləri vura bilən, uçuş məsafəsi 2000 kilometrdən çox olan hipersəs raketləri hazırladığına dair məlumatlar yayılmışdı. Xüsusilə, Tayvan Çinin kritik qurğularına, Pekin və Şanxay kimi şəhərlərinə yönəlmiş "Hsiung Feng IIE" (HF-2E) uzaqmənzilli qanadlı raketini nümayiş etdirib.

Töhfə Səməd