Kamala Harris Zelenski ilə görüşəcək

ABŞ-nin vitse-prezidenti Kamala Harris gələn həftə Ukrayna prezidenti Volodimir Zelenski ilə görüşəcək.

TodayPress xəbər verir ki, bu barədə Harris “X” hesabında yazıb.

O, xatırladıb ki, Ukrayna lideri ilə bu görüş onun yeddinci görüşü olacaq.

"Gələn həftə Ağ Evdə mən Ukrayna prezidenti Zelenski ilə yeddinci dəfə görüşəcəyəm. Prezident Bayden və mən açıq şəkildə bildirdik ki, Ukrayna xalqı öz azadlığı uğrunda mübarizə apararkən bizim öhdəliyimiz sarsılmazdır" Harris əlavə edib.

ABŞ-nin BMT-dəki səfiri Linda Tomas-Qrinfild bildirib ki, Birləşmiş Ştatlar artıq prezident Volodimir Zelenskinin müharibəni bitirmək planını nəzərdən keçirib. 

Aynur TAC