İtaliyanın Baş Nazirinin boyunu ələ salan şəxs 5 min avro cərimələndi

İtaliyanın Milan şəhərində məhkəmə baş nazir Corca Meloninin boyuna lağ edən jurnalisti 5 min avro cərimələyib.

TodayPress xəbər verir ki, Culiya Korteze adlı jurnalist 2021-ci ilin oktyabrında “Twitter”də (indiki adı “X”) Meloninin boyu ilə bağlı "bədən təcavüzü" olaraq xarakterizə edilən zarafatına görə şərti olaraq 1200 avro pul cəzasına məhkum edilmişdi . Müxalifətdə olarkən Meloni sosial mediada Korteze ilə mübahisə edib və sonra qanuni addım atıb. Meloni Kortesenin keçmiş faşist lider Benito Mussolininin şəklini paylaşmasına reaksiya verib və Korteze də “Məni qorxutmursan, Corca Meloni. Nəticədə cəmi 1,5 metr boyun var. Mən səni heç görə də bilmirəm...” deyə cavab verib.

Müxtəlif media saytlarında Meloninin boyu 1,58 ilə 1,63 metr arasında göstərilir.

Nəzrin Cavadzadə