İtaliyada orta məktəbə qədər smartfonlardan istifadə qadağan edildi

"Növbəti tədris ilindən başlayaraq mobil telefondan istənilən məqsədlə, o cümlədən təhsildə istifadəni qadağan edən sirkulyar imzalamışam. Çünki hesab edirəm ki, orta məktəb səviyyəsinə qədər mobil telefonla yaxşı təhsil təmin oluna bilməz. Bu, təbii ki, Tablet və ya kompüter istifadəsini ehtiva etmir, lakin bu cihazlar da müəllimlərin rəhbərliyi altında istifadə edilməlidir.”

TodayPress xəbər verir ki, bunu İtaliyanın təhsil naziri Cüzeppe Valditara keçirilən konfransda deyib.

O qeyd edib ki, bu, müəllimlərə səlahiyyət verilməsi və məktəblərdə fərdi məsuliyyət prinsipinin yenidən qurulması üçün həlledici qaydaların tətbiqi istiqamətində mühüm bir addımdır.

Nazir Valditara əlavə edib ki, mobil telefonların aludəçilik alətinə çevrilməsinin və gənclərin yaşamaq istəyinin oğurlanmasının qarşısını almaq lazımdır.

Nəzrin Cavadzadə