ISW Putin-Fitso görüşü ilə bağlı hesabat yaydı

Rəsmi Moskva Slovakiyanın Baş naziri Robert Fitso ilə görüşdən Ukraynaya dəstək göstərən Qərbin birliyini pozmaq üçün istifadə edib.  

TodayPress xəbər verir ki, bu barədə Müharibə Tədqiqat İnstitutunun (ISW) hesabatında bildirilib.     

Hesabatda vurğulanıb ki, Slovakiya baş nazirinin səfəri 2022-ci ilin fevralında Ukraynada genişmiqyaslı müharibənin başlanmasından bəri Avropa İttifaqı rəsmisinin Rusiyaya üçüncü səfəridir.   

İnstitut Putin və Fitsonun sonuncu dəfə 2016-cı ildə görüşdüyünü də xatırladıb.   

“Kreml Qərbin bəzi üzvləri və NATO-dan Qərbdə parçalanmaları dərinləşdirmək və Ukraynaya dəstəyi zəiflətmək üçün istifadə etmək üçün onlarla münasibətləri inkişaf etdirir” deyə hesabatda bildirilib.

Qeyd edək ki, dekabrın 22-də Slovakiyanın baş naziri Robert Fitso Moskvaya rəsmi səfər edib və burada Rusiya lideri Vladimir Putinlə görüşüb. Görüş zamanı liderlər Kiyevin 2025-ci il yanvarın 1-dən Rusiya qazının tranzitindən imtina etməsini müzakirə edib, həmçinin Rusiyanın Ukraynadakı müharibəsi ilə bağlı fikir mübadiləsi aparıblar.

Günəş Mərd