İsveçrə Rusiyaya sanksiyalar paketinə qoşuldu

İsveçrə Avropa İttifaqının (Aİ) Rusiyaya qarşı tətbiq etdiyi 14-cü sanksiyalar paketinə qoşulmağa qərar verib.

TodayPress xəbər verir ki, bu barədə “DW’ İsveçrə hökumətinin saytına istinadən məlumat yayıb.

Məlumata görə, bu sanksiyalar avqustun 27-də qüvvəyə minəcək.

İyunun 24-də Aİ Rusiyaya qarşı 14-cü sanksiyalar paketini təsdiqləyib. O cümlədən, Rusiya maye qazının çatdırılmasına və Avropa şirkətlərinin üçüncü ölkələrdəki törəmə şirkətlərinin bu sanksiyalardan yayınmasına qarşı tədbirlər daxildir. Bu sanksiyalara Rusiyanın 116 fiziki və hüquqi şəxsi, o cümlədən Ural Hava Yolları da daxil edilib.

İbrahim Əzizli