İsveç hərbi infrastruktura sərmayəni artıracaq

İsveç hökuməti hərbi infrastrukturun tikintisinə 8 milyard kron (735 milyon ABŞ dollarından çox) investisiya qoymaq qərarına gəlib.

TodayPress xəbər verir ki,  bu barədə hökumət dəftərxanasından məlumat verilib.

Məlumata görə, Silahlı Qüvvələrin güclü artımı ilə əlaqədar olaraq anbar və talvarların sayının artırılmasına ehtiyac yaranıb və ayrılan vəsait də məhz buna yönələcək.

Bildirilir ki, tikinti 2025-ci ildən 2030-cu ilə qədər olan dövrdə bütün ölkə ərazisində aparılacaq.

“Fortifikasiya İdarəsinə sərmayə İsveçin müdafiə qabiliyyətini yaxşılaşdırmaq üçün davam edən işlərinin bir hissəsidir. Qurum Silahlı Qüvvələrin əldə etdiyi bütün avadanlıqları anbarda saxlamaq və qorumaq üçün ölkə daxilində yeni binalar əldə edir, təmir və inşa edir” məlumatda qeyd olunub.