İstanbul-Moskva təyyarəsi Həştərxanda məcburi eniş etdi

Rusiyanın Aeroflot şirkətinə məxsus İstanbul-Moskva təyyarəsi Həştərxanda məcburi eniş edib.

TodayPress xəbər verir ki, təyyarədə olan bütün sərnişinlər hava limanının binasına təxliyə edilib.

Bildirilib ki, təcili enişin ilkin səbəbi uçuş zamanı təyyarədə nasazlığın yaranmasıdır.

Saat 18:45-də havada olarkən təyyarədə olan sərnişinlərə Həştərxanda planlaşdırılmamış eniş barədə məlumat verilib.

Sərnişinlərin sözlərinə görə, Aeroflot nümayəndələri əmin edirlər ki, gecə saat 2-də Moskvadan başqa bir təyyarə gəlib hamını paytaxta aparmalıdır.