İsrail razılaşdı: Yardımlar ABŞ planına əsasən aparılacaq

İsrail Qəzza zolağında humanitar yardımın HƏMAS hərəkatının əlinə keçməsini istəmir, lakin ABŞ-nin şəxsi fondu vasitəsilə anklavlara yardım çatdırmaq planına razıdır.

TodayPress xəbər verir ki, bunu yəhudi dövlətinin xarici işlər naziri Gideon Saar Qüdsdə Almaniya Xarici İşlər Nazirliyinin yeni rəhbəri İohan Vadeful ilə görüşündən sonra deyib.

"Döyüşlər zamanı İsrail humanitar yardımın Qəzza zolağına daxil olmasına icazə verdi. Lakin HƏMAS bu yardımı mülki əhalidən oğurladı və bununla da zənginləşdi. O, bu yardımı öz hərbi maşınının ehtiyacları və mülki əhalinin hesabına gücünü qorumaq üçün istifadə etdi. Əgər yardım Qəzza sakinlərinə deyil, HƏMAS-a verilməyə davam edərsə, müharibə heç vaxt bitməyəcək. Buna görə də İsrail ABŞ prezidenti Donald Tramp administrasiyasının mayın 9-da Ağ Evin İsraildəki səfiri Mayk Hakabinin təqdim etdiyi planı tam dəstəkləyir. Humanitar yardım ABŞ hökumətinin təqdim etdiyi prinsiplərə uyğun olaraq özəl fond vasitəsilə idarə olunacaq. Proqram yardımın birbaşa mülki əhaliyə ötürülməsinə imkan verəcək" deyə o bildirib.

Töhfə Səməd