İsrail Livana xəbərdarlıq etdi

İsrailin xarici işlər naziri İsrael Kats silahlı radikalların Litani çayının o tayındakı sərhəd zonasından geri çəkilməməsi halında Livanla sərhəddə “Hizbullah” hərəkatına qarşı döyüşlərin güclənəcəyi barədə xəbərdarlıq edib.

TodayPress xəbər verir ki, bu barədə o, “Bloomberg” agentliyinə müsahibəsində bildirib.

Onun sözlərinə görə, Livanla daha böyük münaqişənin olacağı ehtimalı yüksəkdir:

“Biz “sükut müqabilində susmaq” düsturunu (Livanla sərhəd bölgəsində - red.) qəbul etməyəcəyik. Şimaldan təxliyə edilmiş 70 minə yaxın insanımız var və biz onları geri qaytara bilmirik”.

O, yenidən “Hizbullah”dan sərhəddən uzaqlaşmasını tələb edib.

Nazir həmçinin bildirib ki, Qəzza zolağında mümkün atəşkəs sazişinin bağlanması bütün regionda gərginliyin azaldılmasına kömək edə bilər.