İsrail-HƏMAS qarşıdurmasında ölənlərin sayı 41 870-ə çatdı

Qəzzada son sutkada 45 fələstinli ölüb, 256 nəfər yaralanıb.

TodayPress xəbər verir ki, bu barədə Qəzzadakı səhiyyə qurumu məlumat yayıb.

Bununla da indiyə qədər Qəzza zolağında ölənlərin sayı 41 870 nəfərə, yaralananların sayı 97 166 nəfərə çatıb.

Xatırladaq ki, ötən ilin oktyabrın 7-də HƏMAS gözlənilmədən İsrailin cənubuna hücum edib. Hücum nəticəsində 1 110-dən çox israilli qətlə yetirilib. Buna cavab olaraq İsrail Qəzza zolağında havadan və qurudan hərbi əməliyyatlara başlayıb.