İsrail BMT-ni İrana qarşı sərt sanksiyalar tətbiq etməyə çağırdı

Təl-Əviv Birləşmiş Millətlər Təşkilatını (BMT) iri raket hücumuna görə İrana qarşı sərt sanksiyalar tətbiq etməyə çağırıb.

TodayPress xəbər verir ki, bunu İsrailin BMT-dəki daimi nümayəndəsi Denni Danon deyib.

"Biz BMT-ni ölkəmizə hücumuna görə İrana qarşı sərt sanksiyalar tətbiq etməyə çağırırıq" diplomat bildirib.

Danon həmçinin vurğulayıb ki, Tehranın hərəkətləri ilə üzləşəcəyi nəticələr “təsəvvür etdiyindən də pis olacaq.

Oktyabrın 1-i axşam İran İsrailə 500-ə yaxın ballistik raket atıb. Bu, İsrail Müdafiə Qüvvələrinin Livanda Hizbullaha qarşı quru əməliyyatına başlamasından bir gün sonra baş verib.

Aynur TAC