İspaniyada daşqınlar nəticəsində 90-a yaxın insan itkin düşdü

İspaniyanın şərqindəki Valensiyada son daşqınlarda ən azı 89 nəfər itkin düşüb.

TodayPress xəbər verir ki, bu barədə bölgənin ali məhkəməsi “X” sosial media platformasında bildirib.

Oktyabrın 29-da İspaniya Dövlət Meteorologiya İdarəsi güclü yağışlarla əlaqədar ölkənin müxtəlif bölgələri üçün hava şəraiti ilə bağlı xəbərdarlıq edib.

Yağışların xüsusilə intensiv olduğu İspaniyanın cənub və şərq bölgələrində təhlükə səviyyəsi maksimuma qaldırılıb. Təbii fəlakətdən ən çox İspaniyanın şərqindəki Valensiya əyaləti zərər çəkib.

İndiyədək 211 nəfərin öldüyü bildirilir, itkin düşənlərin axtarışları davam edir.

Aynur TAC