İspan turist fillər tərəfindən öldürüldü

Cənubi Afrikanın Şimal-Qərb əyalətindəki milli parkda ispaniyalı turist foto çəkdirmək üçün avtomobili tərk etdikdən sonra fillər tərəfindən tapdalanaraq öldürülüb.

TodayPress xəbər verir ki, ölən 43 yaşlı kişi nişanlısı və 2 digər qadınla birlikdə Pilanesberq qoruğuna avtomobillə səyahət edib. O, fillərin və danaların şəkillərini çəkmək üçün avtomobildən düşüb və onlara yaxınlaşıb. Lakin bədbəxtlikdən turist həmin an dünyanın ən ağır çəkili heyvanlarının hücumuna məruz qalıb. O, fillərin onu tapdalaması nəticəsində həlak olub.

Milli parkın qaydalarına əsasən, insanların parkda nəqliyyat vasitələrindən düşməsinə icazə verilmir və avtomobillərində olarkən şəkil çəkdirmələri tövsiyə olunur.

Nəzrin Cavadzadə