İran İsrailə "qırmızı xətlər"lə bağlı xəbərdarlıq etdi

İsrailin İrana qarşı hər hansı hücumu “qırmızı xətt” hesab olunacaq.

TodayPress xəbər verir ki, bunu İranın xarici işlər naziri Abbas Araqçı Türkiyənin “NTV“ telekanalına müsahibəsində deyib .

“İsrail bizə hücum edərsə, cavab verməyə tam hazırıq. Biz buna uyğun cavab verəcəyik, lakin ümid edirik ki, İsrail bizim hazırlığımızı sınamayacaq. İrana qarşı istənilən hücum bizim üçün qırmızı xəttdir”.

Nazir zərbə olacağı təqdirdə İsrailin İrandan simmetrik cavab alacağını vurğulayıb.

Bundan əvvəl Abbas Əraqçi bildirib ki, Fələstinin HƏMAS hərəkatının Siyasi Bürosunun rəhbəri Yəhya Sinvarın öldürülməsi təşkilatın fəaliyyətini dayandırmayacaq, əksinə, fələstinlilərin əzmini və motivasiyasını gücləndirəcək.

O, həmçinin qeyd edib ki, İsrail ABŞ-ın köməyi olmadan mövcud ola bilməz və onun dəstəyi olmadan Qəzza və Livanda cinayət törədə bilməz.

Aynur TAC