İran ABŞ-ni BMT-yə şikayət etdi

İran Ağ Evin prezidenti Donald Trampın təhdidlərindən BMT Təhlükəsizlik Şurasına şikayət edib. 

TodayPress xəbər verir ki, bu barədə İranın BMT-dəki səfiri Əmir İrəvani məktub yazıb. 

İran öz şikayətində ABŞ prezidentinin son açıqlamalarını “beynəlxalq hüququn kobud şəkildə pozulması” adlandırıb. 

"İran istənilən hərbi avantürizmə qarşı qəti şəkildə xəbərdarlıq edir. Biz milli maraqlarımıza qarşı istənilən təcavüz və ya hücuma qəti şəkildə cavab verəcəyik” məktubda yazılıb. 

Qeyd edək ki, ABŞ Prezidenti Donald Tramp İranın nüvə proqramı ilə bağlı razılığa gəlmədiyi təqdirdə bombalanacağı barədə xəbərdarlıq edib. 

Türkan İsgəndərli