İlon Mask: "Baydenin yarışda qalmasına icazə verilməyəcək"

İlon Mask ABŞ prezidenti Co Baydenin prezidentlik yarışında qalmalı olduğunu, lakin ona icazə verilməyəcəyini açıqlayıb.

TodayPress xəbər verir ki, o, bu barədə “X” sosial şəbəkəsində paylaşım edib.

"Düşünürəm ki, o, yarışda qalmalıdır, amma onu çıxaracaqlar" deyə Mask bildirib.

O, prezidenti yarışı tərk etməyə kimin razı salacağı barədə ətraflı məlumat verməyib.

ABŞ-də prezident seçkiləri noyabrın 5-də keçiriləcək. İyunun 27-də keçmiş Respublikaçı prezident Donald Trampla teledebatda Baydenin fiaskosundan sonra vəzifədə olan prezidentin yenidən seçilmək cəhdlərindən əl çəkməsi üçün çağırışlar daha da güclənib.

Nəzrin Cavadzadə