İldırım vurması nəticəsində 19 nəfər həyatını itirdi
Dünya
07.07.2024 06:00
Hindistanın şərqindəki
Bihar ştatında ildırım vurması nəticəsində azı 19 nəfər ölüb, daha 7 nəfər
yaralanıb.
TodayPress xəbər verir
ki, şimşək çaxması ilə müşayiət olunan güclü yağış və tufan son 24 saat ərzində
ştatın 10 rayonuna təsir edib.
Hesabatlarda ən çox
itkilərin yağış zamanı tarlalarda işləyən və ağacların altına sığınan insanları
ildırım vurması nəticəsində baş verdiyi bildirilir.
Hindistan Meteorologiya
Departamenti növbəti 24 saat ərzində Biharın şimal, cənub-şərq və cənub-mərkəzi
hissələrində şimşək çaxması ilə müşayiət olunan şiddətli yağışın olacağını
proqnozlaşdıraraq, sarı xəbərdarlıq elan edib.
Qeyd edək ki, hər il musson mövsümünün başlaması ilə Hindistanda yüzlərlə insan ildırım vurması nəticəsində ölür.
Nəzrin Cavadzadə
tag: todaypress.az, Hindistan, Bihar, Meteorologiya, todaypress.az,