“Hizbullah” atəşkəsdən sonra ilk dəfə İsrailə raket zərbələri endirdi

“Hizbullah” atəşkəsdən sonra ilk dəfə İsrailin şimalındakı Dov dağına iki raket atıb.

TodayPress  xəbər verir ki, bu barədə İsrail ordusunun mətbuat xidməti məlumat yayıb.

Raketlərin yaşayış olmayan əraziyə düşdüyü bildirilir. İnsan tələfatı ilə bağlı isə məlumat verilməyib.

İsrailin müdafiə naziri İsrael Katz “Hizbullah”ın raket hücumuna sərt cavab verəcəklərini açıqlayıb.

Qeyd edək ki, İsrail və Livan arasında 2023-cü ilin oktyabrında hərbi əməliyyatların başlamasından sonra ilk atəşkəs haqqında razılaşma noyabrın 27-də səhər saatlarında qüvvəyə minib.