Hindistanın keçmiş baş naziri vəfat etdi

Hindistanın keçmiş baş naziri Manmohan Sinq 92 yaşında vəfat edib.

TodayPress xəbər verir ki, bu barədə "TASS" məlumat yayıb.

"O, yaşla əlaqədar xəstəliklərlə bağlı müalicə alırdı və 2024-cü il dekabrın 26-da evdə qəfil huşunu itirib. Dərhal evdə reanimasiya tədbirlərinə başlanılıb. Təcili Tibbi Yardım Stansiyasına gətirilib. Bütün səylərə baxmayaraq, onu sağaltmaq mümkün olmayıb " məlumatda bildirilib.

Manmohan Singh Hindistanın ən qədim siyasi partiyası olan Hindistan Milli Konqresinin üzvü idi. O, 2004-cü ilin mayından 2014-cü ilin mayına kimi iki müddət baş nazir vəzifəsində çalışıb.

Aynur TAC