Hindistan ABŞ sanksiyaları ilə vurulan neft tankerlərini rədd edəcək

Hindistan ABŞ-nin Rusiyaya malların daşınmasında iştirakına görə sanksiyalar tətbiq etdiyi neft tankerləri ilə qarşılıqlı əlaqədə olmaqdan imtina edəcək.    

TodayPress xəbər verir ki, bu barədə “Bloomberg” yazıb.     

Yanvarın 10-da Birləşmiş Ştatlar Rusiyadan karbohidrogen nəqlində iştirak edən 100-ə yaxın gəmiyə, həmçinin “Sovcomflot” və “Qazpromneft” ilə əlaqəli gəmilərə qarşı sanksiyalar tətbiq edib. “Bloomberg” Rusiya ilə enerji ticarətinə tətbiq edilən bu sanksiyaları son zamanların ən aqressiv sanksiyaları adlandırıb.    

Qeyd olunub ki, məhdudiyyətlərə məruz qalan gəmilərin boşaldılması qadağan ediləcək. Bu, martın 12-dən əvvəl boşaldılması şərtilə, 10 yanvara qədər icarəyə götürülmüş gəmilərə şamil edilmir.  

Həmçinin vurğulanıb ki, Hindistan bankları indi xam neftin sanksiyaya məruz qalan tədarükçülərdən gəlməməsi üçün mənşə sertifikatları tələb edəcək.   

Günəş Mərd