HƏMAS-ın yeni lideri bəlli oldu

Fələstinin HƏMAS Siyasi Bürosunun sədri Yəhya Sinvarın İsrail ordusu tərəfindən öldürməsindən sonra hərəkata təşkilatın xaricdəki nümayəndəliyinin rəhbəri Xalid Meşal başçılıq edir.

TodayPress xəbər verir ki, bu barədə Livanın “LBCI” xəbər portalı mənbələrə istinadən məlumat yayıb.

Mənbələr tərəfindən təsdiqlənən xəbərə görə, Xalid Meşal hərəkatın rəhbəri vəzifəsini icra edir və hazırda girovlarla bağlı danışıqlarda iştirak edən əsas tərəflərlə bütün əlaqələrə cavabdehdir.

“HƏMAS rəhbərliyi Sinvarın Tel əl-Sultan əməliyyatı nəticəsində həlak olması ilə bağlı Türkiyə, Qətər və Misir rəsmilərini məlumatlandırıb və onun öldürülməsindən sonra əsirlərin dəyişdirilməsi və müharibənin dayandırılması ilə bağlı danışıqların davam etdiriləcəyini vurğulayıb” deyə mənbələr qeyd edib.