HƏMAS-ın Rəfahdakı son ümidi məhv edildi – İsrail inamla irəliləyir

İsrail hərbçiləri Qəzza zolağının cənubundakı Rafah şəhərinə iki həftə ərzində tam nəzarət edə bilərlər. 

TodayPress xəbər verir ki, bu barədə "The Jerusalem Post" qəzeti məlumat yayıb.

Ordunun qiymətləndirməsinə görə, hazırda şəhər ərazisinin 60-70 %-i operativ nəzarət altındadır. İsrail hərbçiləri qoşunların Rəfah üzərində tam nəzarəti bir neçə həftə ərzində qura biləcəyini proqnozlaşdırır, indi Şabur və Tel-Es-Sultanın bölgələrində HƏMAS hərəkatının döyüş qanadının son iki batalyonu ilə döyüşlər başlayıb.

Rəfahda döyüşlər zamanı İsrail ordusu orada olan HƏMAS silahlı dəstələrinin yarısını sıradan çıxarıb, 550 silahlı öldürülüb.

Bundan əlavə, bölgədəki döyüşlər zamanı İsrail qoşunları təxminən 200 tuneli məhv edib və HƏMAS-ın son böyük raket avadanlığını zərərsizləşdirib.