HƏMAS girovların tam siyahısını Misirə təhvil verdi

HƏMAS Qəzza zolağında saxlanılan israilli girovların adlarının tam siyahısını Misirə təhvil verib.

TodayPress xəbər verir ki, bu barəəd “Əl Ərəbiyyə” televiziyası bildirib.

Hələlik nə HƏMAS, nə də Misir bu xəbərləri təsdiqləməyib.

Telekanalın mənbələrinə görə, vasitəçilər hazırda Qəzza zolağında mümkün atəşkəslə bağlı intensiv danışıqlar aparır və İsrailə qoşunlarını Misir və Qəzza arasındakı sərhəddə yerləşən Filadelfi dəhlizindən çıxarması üçün təzyiq göstərirlər.

2023-cü ilin noyabr ayının sonlarında Misir və Qətərin vasitəçiliyi ilə bir həftə davam edən müvəqqəti humanitar atəşkəs əldə edilib.

Bu müddət ərzində İsrailin məlumatına görə, 110 girov azad edilib. Dekabrın 1-də atəşkəs pozulub və döyüşlər yenidən başlayıb. Avqust ayında Qətər, ABŞ və Misirin iştirakı ilə bir neçə məsləhətləşmələr keçirildi, lakin münaqişə tərəfləri razılığa gələ bilmədilər.

Aynur TAC