Hakim onu bağışlamadı: Almaniya məhkəməsi tanınmış siyasətçiyə hökm oxudu

Almaniya məhkəməsi radikal sağçı “Almaniya üçün Alternativ” partiyasının yüksək çinli siyasətçisini cərimələdi.

TodayPress xəbər verir ki, bu barədə “Associated Press” məlumat yayıb.

Qeyd olunub ki, sentyabrda keçiriləcək seçkilərdə Türingiya əyalətinin şərqindəki qubernator postuna namizədliyini irəli sürməyi planlaşdıran Björn Höcke, qadağan olunmuş nasist şüarı - “Hər şey Almaniya üçün” dediyinə görə cərimələnib.

Halle Regional Məhkəməsi siyasətçini hər biri 130 avro olmaqla, 130 günlük cərimə cəzasına məhkum edib.

O, həmçinin may ayında konstitusiyaya zidd olan təşkilatın simvollarından istifadə etdiyinə görə 13 min avro məbləğində cərimələnib.

Töhfə Səmədova