Gürcüstanda seçki saxtakarlığına görə 2 nəfər saxlanıldı

Gürcüstanda keçirilən parlament seçkilərində səsvermə zamanı Marneuli rayonunun Sadaxlo kəndindəki 69 saylı seçki məntəqəsində bülletenlərin atılması ilə bağlı polis iki nəfəri saxlayıb.

TodayPress “Sputnik Gürcüstan”a istinadən xəbər verir ki, Gürcüstan Daxili İşlər Nazirliyindən bildirilib.  

Qeyd olunub ki, 69 saylı seçki məntəqəsində səsvermə köhnə sistem üzrə aparılıb. Seçki bülletenləri xüsusi oxuma aparatına deyil, qutuya atılıb.

Hadisədən sonra Gürcüstan Mərkəzi Seçki Komissiyasının dairə komissiyası səsvermə prosesini dayandırıb və məntəqədə səsvermənin nəticələrini etibarsız hesab edib.

40 və 34 yaşlı iki nəfər saxlanılıb. 

Araşdırma aparılır.

Günəş Mərd