Gürcüstanda QHT-lərin qeydiyyat üçün müraciətləri davam edir

Gürcüstanda 320-dən çox QHT "Xarici agentlər haqqında" qanuna əsasən qeydiyyat üçün müraciət edib.

TodayPress xəbər verir ki, bu barədə Gürcüstan KİV-i məlumat yayıb.

Bildirilib ki, hazırda mediada yalan məlumatlar yayılır ki, QHT-lərin cəmi 1 faizi qanuna əməl edir. Lakin bu cür məlumatlar həqiqəti əks etdirmir. Əksinə, QHT-lərin 1 faizdən azı qanuna tabe olmur.

Qeyd edək ki, Gürcüstanın Konstitusiya Məhkəməsində "Xarici agentlər haqqında" qanuna qarşı prezident, 121 QHT, 38 müxalif deputat və jurnalistlər tərəfindən 4 iddia qaldırılıb.

Qanuna əsasən, QHT-lər sentyabrın 2-dək Xarici Təsirlərin Şəffaflıq Reyestrində qeydiyyatdan keçməlidirlər. Bəyannamənin müəyyən edilmiş müddətdə doldurulmaması və ya imtina edilməsi cərimə ilə nəticələnəcək.