Gürcüstanda etirazlar davam edir

Gürcüstanın müxalifət partiyalarının nümayəndələri öz tərəfdarları ilə birlikdə bütün gecəni Tbilisi Dövlət Universitetinin binası qarşısında keçirərək yeni parlament seçkilərinin keçirilməsini tələb ediblər.

TodayPress xəbər verir ki, bu barədə "RİA" məlumat yayıb. 

Etirazçılardan bəzilərinin bütün gecəni keçirdiyi binanın qarşısında çadırlar qurulub.

Aksiya iştirakçıları tonqal yandırıb, mahnı oxuyub, oyunlar oynayıblar. Yerli sakinlər onlara yemək və isti içkilər gətiriblər. 

Gürcüstan Daxili İşlər Nazirliyi heç bir xəbərdarlıq açıqlaması verməyib. 

Müxalifətçilər bazar ertəsi axşama qədər küçədə qalacaqlarına söz veriblər.

Qeyd edək ki, noyabrın 16-da Gürcüstanın Mərkəzi Seçki Komissiyası oktyabrın 26-da keçirilmiş parlament seçkilərinin yekun protokolunu dərc edib və ona əsasən, hakim “Gürcü Arzusu - Demokratik Gürcüstan” partiyası 53,93% səs toplayaraq parlamentdəki 150 mandatdan 89-nu qazanıb. Dörd müxalifət partiyası da parlamentə daxil olub, lakin onlar seçkinin nəticələrini tanımır və yerlərindən imtina edirlər.

Parlament prezidentin çağırılması haqqında yekun protokolun dərcindən sonra onuncu gündən gec olmayaraq iclas keçirməlidir. Lakin prezident parlamenti çağırmaqdan imtina edərsə, qanunverici orqan təkbaşına toplaşacaq.

Müxalifətçilər nəticələri saxta hesab edərək beynəlxalq araşdırma və yeni parlament seçkilərinin keçirilməsini tələb edirlər.

Gürcüstan prokurorluğu müxalifətin seçki nəticələrinin saxtalaşdırılması iddiaları ilə bağlı araşdırmaya başlayıb. 

Günəş Mərd