Gürcüstan və Ukraynanın NATO-ya qəbul edilməməsinin səbəbi açıqlandı

“2008-ci ildə Ukrayna və Gürcüstan NATO-ya qəbul olunmayıb. Çünki burada əsas məqsəd Kiyev və Tbilisini müharibə üçün işçi qüvvəsi kimi saxlamaq olub”. 

TodayPress “İmedi” telekanalına istinadən xəbər verir ki, bunu hakim "Gürcü Arzusu - Demokratik Gürcüstan" partiyasının təsisçisi və fəxri sədri Bidzina İvanişvili bildirib. 

“Qərb siyasətçilərindən çoxlu bəyanatlar verilir ki, biz NATO-nun Rusiyanın müharibəsinə qarışmasının qarşısını almaq üçün hər şeyi edirik. Ukraynaya silah, pul, bütün vasitələr verəcəyik, ancaq canlı qüvvə yalnız Ukraynanın olmalıdır” deyə o, qeyd edib.  

Onun sözlərinə görə, 2008-ci ildə NATO-nun sammitində Ukrayna və Gürcüstan bir-iki ölkənin mövqeyinə görə deyil, “NATO koordinatorları” belə qərar verdiyinə görə üzvlükdən imtina ediblər. 

“Onlar Gürcüstanı və Ukraynanı məhz buna görə NATO-ya qəbul etmədilər. Bunun fonunda biz Saakaşvilidən yaxşı dərs alıdıq və o, 2008-ci ildə bu bizi birinci müharibəyə sürüklədi” siyasətçi əlavə edib.

Günəş Mərd