Floridada tornado nəticəsində dörd nəfər həlak oldu

Floridada tornadolar nəticəsində 4 nəfər həlak olub.

TodayPress xəbər verir ki, bu barədə “NBC” məlumat yayıb.

Bildirilib ki, qurbanlar iki tornadonun əmələ gəldiyi Sent-Lüsi qraflığında olub.

"Milton qasırğası dünən gecə saat 20:30-da Siesta Key yaxınlığında 3-cü Kateqoriya fırtınası olaraq  müəyyən olunub.

Məlumata görə, cümə axşamı səhər qasırğa 1-ci kateqoriyaya qədər zəifləyib.

Monitorinq resursu ştatın 3 milyondan çox sakininin işıqsız qaldığını açıqlayıb.

Oktyabrın 7-də prezident Cozef Bayden ştata yaxınlaşan qasırğa ilə əlaqədar Florida ştatında fövqəladə vəziyyət elan edilməsi haqqında sərəncam imzalayıb və yerli hakimiyyət orqanlarına federal yardım göstərilməsini əmr edib.

Aynur TAC