Finlandiyadan Ukraynaya 159 mln. avroluq hərbi yardım

Finlandiya Ukraynaya 159 milyon avro dəyərində sayca 24-cü hərbi yardım paketi göndərəcək.

TodayPress-in xəbərinə görə, bu barədə ölkənin Müdafiə Nazirliyi açıqlama yayıb.

Bildirilib ki, bununla da Rusiya-Ukrayna müharibəsinin başladığı dövrdən ölkəsinin Kiyevə göstərdiyi dəstəyin həcmi 2,2 milyard avroya çatacaq.

Ölkənin müdafiə naziri Antti Kaikonnen yayılan məlumatları təsdiqləyib. Onun sözlərinə görə, təhlükəsizlik səbəbindən yardımın göndəriləcəyi tarix açıqlanmayacaq.