Fələstin ABŞ-nin mövqeyinə baxmayaraq, BMT-yə üzv olmaq istəyir

“Fələstin ABŞ-nin mövqeyinə zidd olaraq Birləşmiş Millətlər Təşkilatına (BMT) tamhüquqlu üzv olmaq cəhdini davam etdirəcək”. 

TodayPress xəbər verir ki, bu barədə Fələstin prezidentinin müşaviri Mahmud əl-Həbaş “RİA”ya müsahibəsində bildirib.       

Onun sözlərinə görə, Fələstin öz dövlətçiliyinin bəzi Avropa ölkələri tərəfindən tanınmasına çalışacaq. 

Qeyd edək ki, mayın 10-da  BMT Baş Assambleyası Fələstin təşkilatdakı hüquqlarını genişləndirən, habelə ölkənin BMT-yə qəbulu məsələsinə yenidən baxmağı tövsiyə edən qətnamə qəbul edib. 

Qətnamənin lehinə 143 ölkə, əleyhinə 9 ölkə söz verib, 25 ölkə isə bitərəf qalıb. Fələstin hazırda BMT-də müşahidəçi statusuna malikdir.

Günəş Mərd