Exit-poll Gürcüstan seçkilərində müxalifətin qalib gəldiyini göstərdi

Gürcüstanda parlament seçkilərində“Gürcü arzusu”nun məğlub olduğu iddia edilir.

TodayPress xəbər verir ki, bu barədə Edison tədqiqat şirkətinin müxalif “Formula” teleşirkətinin yaydığı məlumatda qeyd olunub.

Sosioloqların fikrincə, “xəyalpərəstlər” 40,9 faiz, müxalifət partiyaları isə kollektiv şəkildə 51,9 faiz səs toplayıb ki, bu da onlara opponentləri üçün 67-yə qarşı parlamentdə 83 yer əldə etməyə imkan verir.

Müxalifətin “Mtavari” kanalının digər ekzit-pollunun nəticələri də analoji nəticə göstərib – “Gürcü arzusu” üçün 42 faiz, müxalifət üçün isə ümumilikdə 48 faiz.

Rəsmi məlumatlar hələ dərc edilməyib.

Bundan əvvəl Gürcüstan Mərkəzi Seçki Komissiyasının rəhbəri Georgiy Kalandarişvili respublikanın Daxili İşlər Nazirliyinin seçki bülletenlərinin atılması şübhəsi ilə cinayət işi açdığını bildirmişdi.

Buna səbəb yerli televiziya kanalları tərəfindən yayımlanan videoda naməlum şəxslərin seçki komissiyasının üzvlərinin fəaliyyətsiz olduğu halda bülleten yığınlarını seçki qutusuna atması olub.

Aynur TAC