Ermənistan virusa yoluxmamaq üçün gəmirici idxalına qadağa qoydu

Ermənistan meymunçiçəyi xəstəliyinin yayılmasının qarşısını almaq üçün bütün növ gəmiricilərin idxalını və tranzitini qadağan edib.

TodayPress xəbər verir ki, bu barədə Ermənistan KİV-i məlumat yayıb.

“Meymunçiçəyi xəstəliyinin baş verməsinin və baş verməsinin qarşısını almaq üçün avqustun 21-dən Ermənistan Respublikası ərazisindən bütün növ gəmiricilərin və primatların idxalı və tranzit daşınması qadağan edilib” məlumatda deyilir.

Agentlik qeyd edib ki, bu qərar Ümumdünya Səhiyyə Təşkilatı (ÜST) açıqlama verənə qədər qüvvədə qalacaq.

Bundan əvvəl Səhiyyə Nazirliyi Ermənistanda "meymunçiçəyi" xəstəliyinə yoluxma halının aşkar edilmədiyini bildirib.

Ümumdünya Səhiyyə Təşkilatının rəhbəri Tedros Adhanom Ghebreyesus Afrikada "meymunçiçəyi" xəstəliyinin yayılmasını beynəlxalq narahatlıq doğuran ictimai sağlamlıq vəziyyəti elan edib.

“Mpox” əsasən tropik meşələrin yaxınlığında yerləşən mərkəzi və qərbi Afrikanın ucqar ərazilərində baş verən xəstəlikdir. Xəstəliyin heyvandan insana keçməsi ilə bağlı ilk hal 1970-ci ildə Konqo Demokratik Respublikasında qeydə alınıb.

İbrahim Əzizli