Ermənistan Hindistan və Fransa istehsalı olan “Trajan” haubitsaları alır

Ermənistan dövləti Hindistan və Fransanın birgə istehsalı olan “Trajan” haubitsalarını almaq niyyətindədir.

TodayPress xəbər verir ki, bu barədə Hindistan KİV-i məlumat yayıb.

Məlumata görə, Hindistan və Fransanın birgə hazırladığı “Trajan” 155 mm-lik artilleriya sistemi üçüncü bir ölkədən ixrac sifarişi alıb.

Qeyd olunub ki, artilleriya sistemi birgə istehsal potensialını və Hindistanda ucuz istehsal imkanlarını yaradıb. Sistemin bəzi alt hissələrinin Hindistanda hazırlandığı qeyd olunub. Tədarükün yaxın aylarda həyata keçirilməsi gözlənilir.

Nəşr həmçinin Ermənistanın Hindistandan çoxlüləli raket sistemləri “Pinaka” və “Akash” hava hücumundan müdafiə sistemləri aldığını da açıqlayıb.

Aynur TAC