Ərdoğan İsrail-Livan arasında atəşkəsin daimi olacağına ümid edir

Türkiyə prezidenti Rəcəb Tayyib Ərdoğan Livan və İsrail arasında atəşkəs razılaşmasının sabit qalacağına ümid etdiyini,  həmçinin Qəzza zolağında atəşkəsin zəruri olduğunu söyləyib.

TodayPress xəbər verir ki, Ərdoğan bunu Türkiyənin “TRT World” televiziyasına müsahibəsində vurğulayıb.

O, Türkiyənin İsrail-Fələstin münaqişəsinin tezliklə sülh yolu ilə həllini müdafiə etdiyini, İsrail və Livan arasındakı atəşkəsin qalıcı olmasını  bildirib.

"Biz Qəzzada soyqırımı dayandırmaq və davamlı sülhə gedən yolu açmaq üçün tam əməkdaşlığımızı genişləndirməyə hazırıq" Türkiyə lideri vurğulayıb.

İsrail və Livan arasında 2023-cü ilin oktyabrında hərbi münaqişədən bəri ilk atəşkəs razılaşması noyabrın 27-də səhər qüvvəyə minib. ABŞ prezidenti Cozef Bayden İsrail və "Hizbullah" hərəkatı arasında əldə olunan razılaşmanın Livan ordusu və dövlətinə icazə verəcəyini açıqlayıb.

Aynur TAC